Gaur 40 urte bete dira hegazkin batek Oiz mendian istripua izan zuenetik. Euskal Herrian izandako aire istripu larriena izan zen, Durangaldeko herritarren memorian gelditu dena. Istripuaren ondorioz, 148 pertsona hil ziren. Inauteri sasoia zen. Otsailaren 19 hartan Iberia konpainiaren Boeing 727 bat, 'El Alhambra de Granada' izenekoa, Madrildik Bilboko aireportura bidea egiten zebilen. Kontrol dorrearen eta hegazkinaren arteko azken komunikazioa, 08:22an gertatu zen. Handik gutxira, hegazkinak ETBren antena jo zuen.
Jose Antonio Izurieta 'Txikuri' Oizko tontorrera igo da ANBOTO bidelagun. Egun hartan bizitakoa bertatik bertara kontatzeaz gain, lore-sorta ipini du hildakoen omenez.