Kontzertuan baturiko dirua Save The Children erakundera bideratuko dute, honek modu eraginkorrean irisarazi dezan laguntza kaltetuengana. Kontzertuan zehar, bi modutara egin ahalko dira dohaintzak: fisikoki zein telematikoki; QR kodeak ipiniko dituzte martxan, Antolatzaileek azaldu dutenez, abesbatzek " emozioz eta musikaz betetako arratsalde ahaztezina eskainiko dute, gure komunitateek zailtasunen aurrean erakusten duten elkartasuna eta batasuna nabarmenduz". Hori guztia dela eta, herritarrak deitu dituzte bertaratzera eta egitasmo solidarioan parte hartzera. "Ekarpen bakoitzak garrantzia du, eta elkarrekin asko egin dezakegu denboralearen eraginpean dauden familiei laguntzeko", azaldu dute.
Kontzertu solidarioa Durangoko Santa Ana elizan eskainiko dute, zapatuan, azaroak 23, 17:00etan.