Joan zen larunbatean, Euskadiko Zailtasun Txapelketa egin zen Derioko Biwak Climbing-en instalazioetan. Txapelketa Open formatuaren barruan kokatuta zegoenez, parte-hartzea oso nabarmena izan zen, beste erkidego batzuetako eskalatzaileen presentziarekin.
Finalak oso lehiatuak izan ziren. Emakumeetan, Ruth Monsech kataluniarra eta Ainhize Belarren arteko lehia ikusgarria izan zen, esaterako. Azkenean, Belar Euskadiko txapeldun geratu zen maila absolutuan.
16 urtez azpiko mailan, berriz, lan bikaina egin zuen Lier Perez elorriarrak eta azpitxapeldun geratu zen.
Lier Perez, irudiaren ezkerrean, zilarrezko dominarekin.