Athletic Espainiako Kopako txapeldun da. Atzo bere 25. titulua lortu zuen Sevillako Cartuja futbol zelaian, penaltietan Mallorca menderatu ondoren. Durangaldeko athleticzaleek emozioz betetako eguna izan zuten atzokoa.
Sevillako Cartuja futbol zelaian jarraitu zuten batzuek partidua. Besteek Bilbon edota Durangaldeko hainbat herritan jarraitako pantaila erraldoi eta tabernetan. Penaltietan erabakitako sufritutako partida etxean jarraitu zutenak ere asko izango ziren.
Raul Garciak, Muniainek, Vesgak eta Berenguerrek sartu zituzten Athleticen golak eta haiei esker lortu dute zuri-gorriek Kopako finala. Ezinegonak poztasunari eman zion bidea.