Mobilizazio askotan zaintza lana duintzearen aldeko aldarriak entzun ahal izan dira. "Zainketa ez dira negozioa. Zer gertatzen da mendeko pertsonak ditugunean eta zaintzarako zerbitzu publikorik ez dagoenean? Bi gauza gertatu ohi dira, nagusiki. Bata, zaintza hori hurbileko emakumeen bizkar erortzen dela. Bestea, emakumeak kontratatzen direla modu prekarioan, miseriazko soldatak ordainduz eta lan eskubiderik gabe, aprobetxatuz emakume horietako asko egoera irregularrean dauden emakume migratuak direla", adierazi dute, esaterako, Durangoko manifestazioa amaitu eta Andra Mariko elizpean egindako ekitaldian.