Abadiñon, Durangon, Elorrion, Zaldibarren eta Iurretan mobilizazioak egin dituzte eguerdian. Mañarian eta Otxandion arratsalderako elkarretaratzera deitu dute, 18:00etan eta 19:00etan, hurrenez hurren. Mallabian, atzo egin zuten ekitaldia.
Durangon, Durango Kirol Taldeak Emakumeen VI. Lasterketa antolatu du gaur arratsalderako. Ezkurdi plazan hasiko da. Lehenengo, ibilbide testimoniala egingo dute, eta jarraian emakumeen lasterketa, 5 kilometrokoa. Zornotzan, 20:00etan, 11 emakume, 11 istorio dokumentala proiektatuko dute Zornotza Aretoan. Herriko emakumeen testigantzekin landu duten ikus-entzunezkoa da.