Bederatzi produktuz osatutako otzarak izango dira, produktu ekologikoekin eta konbentzionalekin, biekin, osaturikoak. Errigorak zehaztu duenez, bost produktu amankomunak izango dira kaxa guztietan (zainzuriak, piperrak, orburuak, gozo bat eta ardoa), eta beste laurak "gainontzeko ohiko produktuak" izango dira Aurtengo kanpainan Nafarroa hegoaldeko eta erdialdeko 23 ekoizlek parte hartu dute. Kaxak errigora.eus atarian eskatu daitezke, 50 euroan. Eskaerak egiteko epea azaroaren 9an amaituko da.
Errigorak 10 urteko ibilbidea bete du aurten. Hamarkada honetan, 130.000 saski baino gehiago banatu dituzte Euskal Herri osoan. Baturiko dirua, Nafarroako hegoaldeko eta erdialdeko euskalgintzara bideratu dute. 1.800.000 euro guztira.
Banaketa puntuak Durangaldean
Kaxak eskatzen dituzten Durangaldeko herritarrek, honako toki hauetan jaso ahalko dituzte saskiak:
- Abadiño: Isiotu Kultur Elkartea.
- Atxondo: Amillena.
- Durango: AEK, Ibaizabal ikastola eta Kurutziaga ikastola.
- Elorrio: AEK eta Txintxirri ikastola.
- Iurreta: Dantza taldearen lokala.
- Mañaria
- Otxandio: Kementsu elkartea.
- Zaldibar: udal plaza.
- Zornotza: Ixerbekoa kiroldegiaren ondoko lonja.