Klub bietako talde nagusiak lehenengoz aritu ziren elkarren kontra joan zen asteburuan. Izan ere, Zornotza lehenengoz dabil Lehen Nazional Mailan. Biak lehenengo jardunaldian garaipena lortuta heltzen ziren derbira. Partidu estu batean, Durangoko kluba nagusitu zen: 61-56. Lehenengo laurdenean pare-parean ibili ziren (12-13) eta bigarrenean aldetxoa hartu zuen Tabirakok: 30-23. Bigarren zatian Zornotza behin baino gehiagotan hurreratu zen markagailuan, baina azkenean etxean geratu zen garaipena. Horrela, Tabirakok Kopako errebantxa hartu zuten. Izan ere, irailean Zornotzak Tabirako kanporatu zuen kopako final-zortzirenetan.
Tabirakok gaur arratsaldean bertan jokatuko du ligako hurrengo partidua. Errioxan izango da, Najerilla taldearen kontra.