Eskualdeko talde bietako kirolariek Euskadiko selekzioa ordezkatu zuten Espainiako txapelketan eta hainbat domina irabazi zituzten, tartean urrezko bi. Sune Larrea durangarra Espainiako txapeldun geratu zen Light Contact modalitatean eta Paul Urien elorriarrak beste hainbeste lortu zuen Kick Light -ean. Azken modalitate horretan brontzea irabazi zuen Larreak.
Horrez gainera, Nahia Romero atxondarrak zilarrezko domina eskuratu zuen Kick Light-ean. Nidia Otxoa durangarra eta Ibai Carrasco elorriarra final laurdenetara eta final zortzirenetara heldu ziren, hurrenez hurren.
