Asteburuan Euskal Herriko trinketeko kluben arteko txapelketako finalak jokatu dituzte mailaz mailaz. Nagusietan eta buruz buru, Atxtxiki klubeko Asier Aspuru geratu da txapeldun. Irurako trinketean jokatutako finalean 40-31 menderatu du Errenteriako EPLE klubeko Aranburu.
Gazte mailetako txapel biak, buruz burukoa eta binakakoa, Zornotzara etorri dira. Buruz buru, Ibai Arroitajauregik 35-27 irabazi dio Sopelako Kurene taldeko Ramirezi Gasteizko Astronomo trinketean. Binaka, hiru pilotari aritu dira txapelketan zehar Lagun Onak klubetik: Bereziartua, Arroitajauregi eta Alonso. Finala Ibai Arroitajauregik eta David Alonsok jokatu dute eta Kurene klubeko bikoteari irabazi diote Abadiñoko Tornosolo trinketean.