Denboraldiko jokalaririk onenaren saria Tabirakon dabilen Xabi Arroitajauregik jasoko du. Durangoko klubarekin Espainiako EBA mailan jokatu du aurten jokalari berriztarrak. "Tabirako osatzen dugunok oso harro gaude gure eskolako nahiz federatu mailetako jokalariez eta asko pozten gaitu Xabi Arroitajauregik sari hau jasotzea", adierazi dute klubetik.
Honako hauek dira gainerako sarituak:
- Denboraldiko kluba: Loiola Indautxu.
- Harrobia lantzen egindako lana: Miribasket Kirol Kluba.
- Denboraldiko entrenatzailea: Imanol Adán.
- Emakumeetan, denboraldiko jokalari onena: Gracia Alonso de Armiño.
- Epailea: Javier Bravo Loroño.
- Joko garbia: Rubén Vázquez.