Euskal Herria Bilduk Bizkaiko bost deiadar mendiak igoko ditu maiatzaren 7an, udal eta foru hauteskundeen kanpaina atarian, "komunitatea aktibatzeko helburuarekin". Koalizioak azaldu du Bizkaian "inoizko emaitzarik onenak" lortzeko asmoa duela. "Horretarako baldintzak badaudela" iritzi eta "esfortzu mobilizatzailerik handiena" egingo duela iragarri du.
Bost dira deiadar mendiak: Kolitza, Ganekogorta, Sollube, Oiz eta Gorbeia. Tontorretan sua isiotuta eta adarra entzunarazita, Bizkaiko Batzar Nagusietarako deia egiten zen mendiotatik.