Mankomunitateak edukiontzi marroiaren erabilera sustatu eta 800 etxe gehiagotara heltzea du helburu

Durangaldeko Mankomunitateak gaur goizean 'Zure esku dago: zaborra ala lurra' kanpaina aurkeztu du Iurretan. Kanpaina honen helburua eskualdeko herritarrak edukiontzi marroia erabiltzearen garrantziaz sentsibilizatzea da eta bat egindako etxebizitza kopurua %50 handitzea. Hau da, 800 familia gehiagotara heltzea eta guztira 2.600 etxetara iristea. "Klimaren aldaketaren kontrako borrokak administrazioaren konpromisoa eta herritarren erantzukizuna eskatzen ditu. Mankomunitateak konpromiso sendoa hartu du Durangalde jasangarriagorantz aurrera egiteko, eta hori lortzeko herritarren laguntza behar dugu. Herritarrengana heltzeko ahaleginak areagotuko ditugu, herri bakoitzera hurbilduz, organikoa ondo kudeatzearen onurak eta garrantzia azaltzeko", azaldu du Mireia Elkoroiribe Mankomunitateko presidenteak. 

Mankomunitateko kideak herririk herri ibiliko dira kanpainaren berri eman eta materiala banatzen. Mankomunitateak doan emango du birziklatzeko behar den material guztia: 10 litroko plastikozko ontzi bat, poltsa konpostagarri sorta bat, giltza eta edukiontzi marroian onartutako hondakinei buruzko informazio zehatza. Horrez gain, autokonposta egin gura badu eta etxean konpostera jarri, izena eman dezake eta Mankomunitateak etxera eramango dio konposta egiteko makina. 

Informazio karparen ordutegiak