Txapito Guzman eta Ibarrako Langostinuen azken txiribuelta

Neguan, bere jarduna bertan behera utziko zuela iragarri zuen Txapito Guzman eta Ibarrako Langostinuek Durangaldeko laukoteak. Asteburu honetan Oñatin (Gipuzkoa) eta Abadiñon joko dute, Amaraun Arte Fabrikan, barikuan eta domekan, hurrenez hurren. 

'Azken Txiribuelta' bira honetan dozena bat kontzertu inguru eskaini ditu laukoteak, besteak beste, Bergaran, Bilbon, Mañarian, Iurretako Amatza auzoan edota Zaldibarren. Azken kontzertua Abadiñon dagoen Amaraun Arte Fabrikan eskainiko dute, 13:30ean. 12:00etan irekiko ditu ateak guneak, eta 19:30ak arte musikaz gozatzeko aukera egongo da.

Txapito Guzman eta Ibarrako Langostinuek taldea 2016ean sortu zuten Egoi Petitek (trikitixa), Gorka Bidaurrazaga 'Pottik'-k (bateria), Josu Abaunzak (baxua) eta Mikel Astobiza 'Asto'-k. 'Animos de vivir' diskoa kaleratu zuen. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!