Eusko Jaurlaritzak eskola kirola baimenduko du bariku honetatik aurrera, eskolaz kanpoko ekintzei buruzko debekua altxatu ondoren. Osasun Saila Kultura eta Hezkuntza Sailekin batu da goiz honetan, eta bertan jakinarazi du eskola kirola ostera ere baimentzeko aukera. Orain, Eusko Jaurlaritzak Arabako, Gipuzkoako eta Bizkaiko Aldundiei helaraziko die debekua altxatu izanaren erabakia, azken hauek baitira eskola kirolari dagokion eskuduntza dutenak.