COVID ziurtagiria derrizgorrezkoa izango da bihartik aurrera ostatu eta gaueko aisialdian

Iñigo Urkulluk lehendakariak iragarri ditu neurriak. Gaur eratu da ostera Labi, osasun larrialdia ezarri ostean. 

Bihartik aurrera, Araban, Bizkaian, eta Gipuzkoan ziurtagiria beharko dute herritarrek gaueko aisialdian eta 50 bezerotik gorako ostatuetan. Horrez gainera, lehendakariak ziurtagiria bestelako gune batzuetan ezartzea aztertzen ari direla aurreratu du, ostean EAEko Justizia Auzitegi Nagusiari baimena eskatzeko. "Ikusleak zutik dauden musika ikuskizun eta dantzalekuetarako, gimnasioetarako, edota ospitale eta zentro soziosanitarioetarako, adibidez. Gure helburua, erabili ahal den espazio guztietan erabiltzea da, herritarrak txertatzeko eta herritarrak birusaren arriskutik babesteko". 

COVID ziurtagiriaz gainera, txertoa eta prebentzio neurriak azpimarratu ditu Urkulluk koronabirusaren aurkako neurri eraginkorrenak bezala. 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.