Berton Bertokoak umorez, sari banaketaz eta ikuskizunez beteriko gala antolatu du

Abenduaren 10ean egingo dute, Elorrioko Arriola antzokian, 18:00etatik aurrera. Durangaldeko herritar guztiak deitu dituzte galara joatera. Sarrerak salgai daude.

Berton Bertokoa dinamikak egitasmo berri bat gehitu du orain arte egindako aldarrikapenen, sukaldaritza saioen, plantoen eta bideoklipen zerrendara: gala bat. Tokiko elikaduraren aldeko dinamikak aurreratu du jaialdi berezi bat egingo duela abenduaren 10ean, Elorrioko Arriola aretoan. Ekitaldia 18:00etan hasiko da. Egitasmoaren bultzatzaileek aurreratu dute zuzeneko musika, photocalla, sari banaketa eta dantzak egongo direla. Ekitaldirako sarrerak dinamikak esku hartzen duen eskoletan daude salgai, 3,5 euro (umeak) eta 5 (helduak) euroan. Durangalde osoko herritarrak deitu dituzte galara joan eta Arriola aretoa betetzera.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.