Txaber Altubek eta Garikoitz Sarriugartek Ortuellan egingo dute bertsotan

Durangaldeko bi bertsolari lehiatuko dira Bizkaiko Bertsolari Txapelketako hirugarren kanporaketan, Txaber Altube abadiñarra eta Garikoitz Sarriugarte zaldibartarra; Asier Alcedo, Julen Ibarguengoitia, Mikel Retolaza eta Peru Vidalekin batera abestuko dute.

Zapatuan izango da saioa, Ortuellako Gorbea aretoan; 17:00etan hasiko da. Idoia Anzorandia arduratuko da gaiak jartzeaz. Saioaren irabazlea zuzenean sailkatuko da finalaurrekoetara eta besteek, puntuazioaren arabera edukiko dute horretarako aukera. Pagonabarraga aurrera Gorka Pagonabarraga durangarrak, bestalde, Igorreko kanporaketa irabazi ostean finalaurrekoetarako txartela lortu du asteburuan. Nafarroako Bertsolari Txapelketan, ostera, Erika Lagomak hirugarren postua lortua zuen Tafallako saioan.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.