Urriaren 1a, Adinekoen Nazioarteko Eguna, ospatzeko Durangaldeko 14 Adinekoen Elkartek, Oneka eta Pentsiodunen Mugimenduak, Durangaldeko Amankomunazgoak eta Durangoko Udalak nagusientzako mendi ibilaldiak antolatu dituzte. Gaur egoizean egitaraua aurkezteko egindako ekitaldian ekintzen helburua adinekoek familian, komunitatean eta gizartean dituzten eginkizunak aitortzea eta jakinaraztea, nagusien eskubideak aldarrikatzea eta beraien beharrizanak ezagutzera ematea direla azaldu dute.
Pandemia dela eta, aurten aire zabaleko ekintzak bakarrik egingo dituztela jakitera eman dute. Eta horretako nagusientzako mendi ibilaldiak antolatu dituzte. "Mundu guztiari aukera ematea gura dugu, horregatik ibilaldi ezberdinak antolatu ditugu", azaldu dute. Hainbat ibilbide antolatu dituzte: ibilbide laburrak, ibilbide ertainak eta luzeak. Guztiak Traña-Matienako plazan amaituko dira.
| IBILBIDE LABURRAK |
Durango: Andra Mari Abadiño: San Trokaz lokala Matiena: Nagusien egoitza |
11:00 11:15
11:20 |
3,5 km 2,5 km
2 km |
| IBILBIDE ERTAINAK |
Durango: Andra Mari Abadiño: San Trokaz lokala Matiena: Nagusien egoitza |
10:00 10:15
10:20 |
8 km 7,3 km
7 km |
| IBILBIDE LUZEAK |
Garai: Udaletxea Iurreta, Izurtza, Mañaria, Otxandio eta Durango: Andra Mari Matiena: Nagusien egoitza Atxondo: Udaletxea Elorrio: Plaza Zaldibar: Udaletxea Berriz: Probalekua Abadiño: San Trokaz lokala |
8:20 8:50
9:05
9:45 9:00 9:00 9:35 9:00 |
14,5 km 12,6 km
11,5 km
8,5 km 12 km 12 km 9,5 km 12 km |
Antolatzaileek jakitera eman dutenez, ibilaldiaren ostean, Traña-Matienako plazan beraiek egindako manifestu bateratua irakurri dute. Besteak beste, zahartze aktiboa bultzatzea, gizarte eta osasun zerbitzuek giza baliabide eta material gehiago eskaintzea eta alargunek pentsioa jaso behar izatea eskatuko dituzte.