Domekan Mequinenzan (Zaragoza) jokatutako triatloian Indarpak taldeko Alex Unzuetak bosgarren postua lortu zuen eta Gorka Bizkarra mañariarra bederatzigarrena izan zen. Indarpak taldeko triatleta "oso pozik" dago emaitzagaz. "Urte osoan egindako lasterketa guztiak, bat kenduta, oso oso ondo irten zaizkit. Sasoi onean egoteaz gain, indarra eta distantziak oso ondo kalkulatzen nabil. Beraz, alde batetik banekien lehenengo 10en artean egon nintekeela, baina bestetik oso zail ikusten nuen", aitortu du Unzuetak.
Bizkarra ere "pozik" dago emaitzagaz. "Mequinenzara disfrutatzera etorri nintzen, eta lortu dut. Gainera, emaitzak laguntzen duenean poztasuna handiagoa da", azaldu du mañariarrak sare sozialetan.