Ernai gazte antolakundeak deituta manifestazioak egin zituzten maiatzaren 7an Bilbon, Gasteizen, Iruñean eta Donostian. 'Larrialdi egoeran gaude' lelopean izandako protestetan zortzi gazte atxilotu zituen Ertzaintzak.
Orain zortzi gazteak deklaratzera deitu dituzte, tartean daude Durangaldeko hiru gazte. “Ernaitik argi diogu gazteon prekarietate eta larrialdi egoeraren aurrean manifestatzea ez da delitua”, azaldu dute gazte erakundeko kideek.
Hori horrela eta zortzi gazteen aurkako prozedura geratzeko eskatzeko ekainaren 23an Durangon mobilizazioa egingo dutela jakitera eman dute. 19:00etan izango da Andra Marin.