Bizkaiko Foru Aldundiak, Durangaldeko Mankomunitateak eta udalek iazko Gaztedi Durangaldea programaren balantze positiboa egin dute. Honako datu hauek eman dituzte. Egindako programa bakoitzean parte hartutako kopuruak kaleratu dituzte:
- I'm Bizi: Durangaldeko gazteak euskarazko gaitasun sortzaile eta ekintzaileetan gaitzeko eta
prestatzeko programa digitala da. Guztira, eskualdeko 166 gaztek hartu dute parte. - Eskualdeko gazteak haur eta gazteen aisia dinamizatzeko trebetasun eta gaitasunetan
prestatu eta gaitzeko euskarazko programa. Guztira eskualdeko 29 gaztek hartu dute parte. - Alkarregaz Eraikiz: Erakunde publikoek, enpresek, elkarteek eta prestakuntza-zentroek
osatutako foroa eta elkargunea da, gazteen enplegagarritasuna helburu duena. - Precious Plastic Durangaldea: Durangaldeko gazteen artean jasangarritasuna, teknologia eta ekintzailetasuna sustatzeko programa hibridoa da. Guztira, eskualdeko 124 gaztek hartu dute parte.
- 14 gaztek hartu dute parte Gaztedi Durangaldea programaren baitan eskainitako hitzaldietan
- 117 gaztek haien iritzia ezagutzeko eta Gaztedi Durangaldearen programaren ebaluazioa
egiteko prozesuan hartu dute parte
Gaztedi Durangaldea programak, gazteen eskubideak bermatzea, norberaren autonomiarako gaitasuna eta komunitatean bere parte-hartzea handitzea du helburu. Bizkaiko Foru Aldundiak, Durangaldeko Mankomunitateak eta udalek parte hartzen dute bertan.