Abadiñon barikuan egingo dute bilketa, Txanporta plazan, 17:00etatik 20:00etara bitartean. Durangon eta Elorrion, apirilaren 24an, zapatua, egingo dute bilketa. Durangon, Andra Marin egongo dira esnea batzen, 10:00-16:00 bitartean. Elorrioko bilketan 11:00etatik 14:30era bitartean egongo dira esnea hartzen, plazan.
Bilketa hau Zaporeak-ek eta Durangaldeko Hemendik Harantz elkarteak bultzatu dute. Elkartetik azaldu dutenez, bildutako esneagaz eta bertan erositako frutagaz, 7.200 laguni oinarrizko elikagaiak helaraziko dizkiete.