Honako datu hauek jakinarazi ditu: 2020an zehar Zaindu programan zaintzaile lanak egin zituztenen %70 emakumeak izan ziren. Laguntza psikologikoko tailerretan parte hartu zutenen %90 ere emakumeak ziren. Eta prestakuntza-jardueretan parte hartu zutenen ia %100 ere emakumeak izan ziren. Datu hauek Durangaldeko udalerrietan ere zaintzaren feminizazioa agerian uzten dutela adierazi du Mankomunitateak.
Hori eraldatzeko lanetan dagoela gaineratu du. Horretarako herritar guztiei zuzendutako sentsibilizazio-programak ipini ditu martxan. Lehen Hezkuntzako 4. mailako ikasleekin egindako eskola-sentsibilizazioko kanpaina bat lantzen dabil, zaintzak baloratzeko, zaintzaileak ikusarazteko eta zaintzaile-komunitatearen kontzeptua indartzeko. Hitzaldiak antolatuko dituela ere aurreratu du.