Izurriaren datuek hobera egin dutela iritzita, Labiak neurri murriztaileetako batzuk arintzea erabaki du. Horien arabera, udalerrietako perimetroak zabaldu eta EAE barruko joan-etorriak baimendu dira, besteak beste. "Bilakaera positiboa edukitzen ari gara, baina beheranzko joera geldotu egin da, hori dela eta, zuhurtziaz jokatzeko eskatzen dugu", azaldu du Iñigo Urkullu lehendakariak. "Urte gogorra izan da, eta lan nekeza dugu aurretik oraindik".
Batzorde teknikoaren ostean eman ditu jakitera neurriak Urkullu lehendakariak. Horrez gainera, izurritearen urtebeteko balantzea ere egin du Urkulluk. "Urte oso bateko borroka izan da mundu osoan, egoera ezezagun baten aurrean". Egoerak "larria" izaten jarraitzen duela gogoratu du, gainera.