"Proletariotzaren antolakuntzarako baliabideak sortzera dator Kontseilu Sozialista", azaldu dute bere bultzatzaileek. Gaineratu dutenez, "garai latzak bizi ditugu, aspaldiko latzenak". Uztail hasieran pandemiaren aurretik baino 1.305 langabe gehiago daudela Durangaldean azpimarratu dute. "Borrokarako funtsezkoak diren eskubide politikoak, mugitzeko eta elkartzeko debekuak direla medio erabat mugatuta dauzkagu, eta horrek are zaurgarriago egiten gaitu", diote.
Bestalde, Durangaldeko mugimendua Euskal Herriko Mugimendu Sozialistaren parte dela azaldu dute. "Proletariotzaren interesen alde lan egiten duten antolakuntza-espresioekin elkarlana sustatu eta indarrak batuko ditugu eskualde mailan".