Durangoko Landako Gunearen aldamenean hasi da manifestazioa, eta Iurretako plazan bukatu da. Tecnaliak Durangoko Udalarentzat egindako txostenaren aurrean, “Eusko Jaurlaritzak eta Durangaldeko udal batzuek inmobilismoz” jokatzen dihardutela salatu du Durangairea plataformak. “Durangaldetarrok pozoia arnasten dugu. Eta pozoia arnastea gaixotasuna eta heriotza arnastea da” azpimarratu dute manifestazioaren bukaeran.