Durangon eta Elorrion eguardian egin dituzte elkarretaratzeak, eta jendetza bildu da bertan. Joan den astean bezala, hainbat emakume sahararrek berba hartu dute Durangoko elkarretaratzean, eta Marokok su-etena apurtu duela salatu dute. Sahara - Euskadi mugimenduko kide batek ere hartu du hitza, eta gatazkaren konponbidearen gakoa erreferenduma egitea dela azpimarratu du.