"N-634 errepidea trafikoz gainezka dugu Zaldibartik hasi eta Zornotara bitartean, eta hori Durangaldea bidegorria egiteko orografikoki oso egokia dela kontutan hartuta. Bizikleta bide seguruak beharrezkoak ditugu", nabarmendu du Azpitartek. Herrerok eta Azpitartek bidegorria Elorriora eta Zaldibarrera heltzea aldarrikatu dute, baita ere. 2018an ere batu ziren Elorrioko plazan EH Bilduko ordezkariak.
Horrez gainera, egungo egoera "aprobetxatu" egin behar dela azpimarratu dute EH Bilduko kideek. "Alarma egoerak kale garbiagoak eta kutsadura gutxiagokoak utzi dizkigu. Orain da unea herritarrengandik hurbilago dauden proiektuak egiteko, horien artean, bizikleta eta bidegorriena".