Ikastaroak azaroan hasiko dira. Horien inguruko zehaztasunak eman ditu Amankomunazgoak. Honako ikastaro haek eskainiko ditu: “Memoria entrenatzen” (hasierako maila, tarteko maila eta maila aurreratua), “Zelan egon lasai”, “Loa eta osasuna”, “Hazteko ipuinak” I eta II eta “Elkarbizitza erraztuz”. Doako prestakuntza Abadiñon, Atxondon, Elorrion, Garain, Iurretan, Izurtzan, Mañarian, Otxandion eta Zaldibarren bizi diren 60 urtetik gorakoei egongo da zuzenduta.
Izena emateko epea azaroaren 6ra arte egongo da zabalik, 946200546 telefono zenbakira edo terceraedad.mdurango@bizkaia.org helbidera idatzita.