SATSE, ELA, LAB, SME, CCOO, UGT eta ESK sindikatuek deituta Osakidetzako langileak kalera irten dira gaur eguerdian. "Bizi dugun krisi sanitarioak ederki asko erakusten digu azken urteetako murrizketek osasun publikoaren ahultze kezkagarria ekarri dutela. Beraz, Osakidetzak sakoneko arazoei benetan heltzeko ordua da", azaldu dute sindikatuetako kideek. Horregatik elkarretaratzea egin eta ondorengoa eskatu diete Osakidetzari: Osasun publikoaren aurrekontua Europako Elkartearenaren batazbestekoaren pare jartzea, langile kopurua gehitzea, behin behineko langileak egonkortzea, murrizketa bidez galdutakoa berreskuratzea, esku pribatuetan jarritako zerbitzuak berreskuratzea eta lantaldearen segurtasuna eta osasuna bermatzeko neurriak hartzea.