Hainbat futbol klub zebiltzan 26 urteko durangarraren atzetik eta azkenean Ibiza klubeko eskaintza onartzea erabaki du. Bigarren B Mailako talde indartsuetako bat da. 2019-20 denboraldia bigarren tokian amaitu zuen -bere multzoan- eta Errege Kopan final hamaseirenak arte heldu zen. Klubetik iragarri dute hurrengo astean egingo dutela aurkezpen ofiziala.
Etapa berriari aurre egiteko "gogotsu" dagoela adierazi du Zenitagoiak sare sozialetan eta "eskerrak" eman dizkio Amorebieta klubari han egon den denboran eman dioten tratuagatik. Aurreko denboraldian 25 partidutan 9 gol sartu zituen Amorebietarekin.