Bideoan pirata jantzitako pertsona batek ematen ditu azalpenak. Atxondo, Zabalarra, Zaldibar eta Orobiogoitiako ikastetxeetan sukaldea jartzeko eskaera egin zutenetik urtebete joan dela gogoratzen du. Denbora hori joanda, "gure jangeletan ez da aldaketarik nabari", salatzen du. "Bizitzen ari garen garai gogor honek, gardenki erakutsi digu tokiko kontsumoak elikaduran duen garrantzia. Jangela eredu berri bat behar dugu, bertoko eta sasoiko produktuekin", dio. Arduradunek eskoletako elikadura "negozio" bihurtu duela-eta "esku hartzea" erabaki dute eta horregatik 'blokeatu' dituzte webguneak. "Gure eskoletako elikadura bahitua dutenak bahitu ditugu", azaltzen dute.
'Blokeatutako' web orriak:
- www.eurest.eus
- www.grupogasca.eus
- www.gastronomiabaska.eus
- www.tamar.eus
- www.cocinacentralgoñi.eus
- www.cocinacentralmagui.eus