Kontrabando bideetan oinarrituta, 14-17 urteko gazteentzako astebeteko ibiltaria antolatu dute abuztuan Oiartzungo Arritxulok, Arantzako Aterpek eta Beintzako Aterpetxeak. Egitasmoak laugarren urtea beteko du eta Euskal Herri osoko gazteek parte hartu ahal izango dute.
Euskararen sustapena bultzatuz, 7 egun eta 6 gaueko egitasmoa izango da. XX. mende hasieran kontrabandistek zeharkatu zituzten bidezidorretan barrena, gazteak Arritxuloko (Oiartzun) aterpetxetik atera eta Beintza-Labaiengo aterpetxera iritsiko dira, Arantzako Aterpen bi gau eta Mendaurko urtegian beste biak egin ondoren.
Abuztuan bi txanda izango dituzte aukeran, gehienez hogei lagunekoak, lehenengoa abuztuaren 2tik 8ra eta bigarrena 16tik 22ra. Prezioa: 285 euro.
Informazio gehiago, hemen.