Pentsiodunek astelehenetako mobilizazioei ekin diete ostera ere

Minutu bateko isilunearekin hasi dute elkarretaratzea, koronabirusak eragindako osasun krisialdian hil direnak omentzeko.

Durangon, dozena bat lagun bildu dira segurtasun neurriak hartuta udaletxe parean eginiko protestan. Zahar-etxeetan hildakoak gogoratu gura izan dituzte, batez ere. "Bizkaiko Foru Aldundiak apirilean ezagutzera eman zituen datuen arabera, adineko 247 lagun hil dira zahar-etxeetan". Horrez gainera, sektorean egindako murrizketak salatu eta bertan lan egiten duten profesionalen lana defendatu dute. Ohi bezala, "pentsionistak aurrera!" oihuarekin amaitu dute mobilizazioa.

Berrizen ere elkarretaratzea egin dute. 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.