Maiatzaren 22a baino lehen eman behar da izena hitzaldirako, lekua mugatua izango da-eta. Izena emateko 946200520 telefonora deitu daiteke, 9:30etik 13:30era, edo, bestela, Durangaldeko Mankomunitateko Adikzioen Prebentziorako Zerbitzuaren posta elektronikora idatzi daiteke: prevencion.mdurango@bizkaia.org
Durangaldeko Mankomunitateko Adikzioen Prebentzio Zerbitzuak antolatu du doako hitzaldia. Zerbitzu horren bitartez, doako laguntza eta aholkularitza espezializatua ematen die Mankomunitateak familiei, hezitzaileei, ikasleei eta, oro har, herritarrei, adikzioen prebentzioari buruz dituzten zalantzak argitzeko, betiere modu anonimoan eta konfidentzialean, nabarmendu dutenez.