Konfinamendua hasi zenetik, gizarteko hainbat esparrutan "oinarrizko eskubideen urraketak" eman direla salatu du Gazte Koordinadora Sozialistak. Horren aurrean, itxialdia hasi zenean, herritarrei aholkularitza eskaintzeko bideak ireki zituzten, egoera horien aurrean zelan jokatu informatzeko. Orain, deseskaladaren lehenengo fasean, "erramintak eguneratu" eta testuinguru berrira "moldatu" dituzte, ohar batean jakinarazi dutenez.
Urraketaren bat jasan duela uste duena telefono (688 769 071) edo helbide elektroniko bidez (jazarpenpolizialadurangaldea@protonmail.com) jarri daiteke eurekin hartu-emanetan.