"Gaur egungo konfinamendu egoerak dakarren jarduerarik gabeko ordu luzeak kontuan izanda, Durangoko Merinaldearen Amankomunazgoko Adikzioen Prebentziorako Zerbitzuak ohartarazi eta kontzientziatu nahi du joko horiek izan ditzaketen arriskuez, ludopatia bezalako adikzio batean erortzeko arrisku handiagoa ditzakeelako", azaldu du Adikzioen Prebentziorako Zerbitzuak.
Sintomak
Amankomunazgoaren esanetan, honako hauek dira apustulari batek edo ludopata batek agertu ditzakeen sintomak:
- Suminkortasuna (jokoak eragina du izaeran ).
- Jokatzeko premia.
- Gezurrak esatea senitartekoei, lagunei...
- Apustuak ezkutuan egiten ditu.
- Gero eta diru gehiago jokatzen du. Maileguak, lapurretak... egiteko joera du
- Bere ardurarik nagusienetarikoa jokoa da.
- Gero eta denbora gehiago pasatzen du apustuak egiten.
- Harreman garrantzitsuak: lanbidea, aukera akademikoak, ... arriskuan jarri edo galdu egin ditu.
- Saiatzen da apusturik ez egiten, baina ez du lortzen.
Laguntzarako bideak
Kasuren bat emango balitz, beste ezer baino lehen pertsona horrekin berba egitea komeni dela azaldu du. Adikzioen Prebentziorako Zerbitzuak laguntza eskaintzen du 94 620 05 20 telefonoan eta prevencion.mdurango@bizkaia.org helbidean