Bizkaiko 69 klubetik 62-k eman dute euren iritzia eta “gehienak” ligak bertan behera uztearen alde agertu dira, federazioak ohar batean jakitera eman duenez. Ondorioz 2019/20 ligan ez dute ligetako txapeldunik eta azpitxapeldunik izendatuko.
Honakoa erabaki dute kategoriaz kategoria:
Gizon eta emakume seniorren kategoria bereziak
- Ez da jaitsierarik egongo denboraldi honetan.
- Martxoaren 8an , jokatutako azken jardunaldian, ligetako lehenengo postuan zeudenei, Euskadiko Bigarren Mailan plaza bat eskuratzeko aukera eskainiko diete. Liga hori Euskadiko Saskibaloi Federazioak kudeatzen du. Interesatuta badaude, talde horiek kunplimendu-konpromisoa aurkeztu beharko dute euren zuzendaritza batzordearen partetik.
Senior 1. eta 2. Preferentea eta 2. Maila gizonetan; senior 1. eta 2. mailak emakumeetan
- Ez da jaitsierarik egongo denboraldi honetan.
- Goragoko kategorietan igoerak baliatzen badituzte, geratzen diren hutsuneak martxoaren 8ko sailkapenak kontuan hartuz beteko dituzte.
Juniorren eta kadeteen maila denak
- 2020/21eko mailak antolatzerako orduan, martxoaren 8ko sailkapenak hartuko dituzte kontutan.
- Euskadiko Saskibaloi Federazioak Euskal Ligari begira ezarritako neurriak aintzat hartuko dituzte.