Durangaldeko Beharginen Autodefentsa Sareak (BAS) dinamika bat ipini du martxan langileek egunotan izan ditzaketen egoera zaurgarrietatik babesteko. Alarma egoera abiatu zenetik "kaleratzeak, ERTEak eta abarrak etengabe" hazi direla salatu du BASek ohar batean; horren aurrean langileak babesteko mekanismoak aktibatu gura dituela azaldu du. Arreta nagusia kontraturik ez duten langileengan, ERTE egoeran daudenengan eta osasuna babesteko neurri barik lan egiten dutenengan ipini dute. "Gatazkei aurrea hartu eta balizko prozesu administratibo eta juridikoetara jotzeko, aholkularitza juridikorako tresna" ipini gura dute martxan. Harremanetarako bi bide hauek daudela jakinarazi dute: 657035661 telefonoa eta beharginokautodefentsa@gmail.com helbide elektronikoa.
Langileriaren babeserako baliabideak eta aholkularitza tresnak eskaintzeari ekin dio Durangaldeko BASek
Alarma egoerak kaltetutako langileak babesteko dinamika abiatu du Durangaldeko Beharginen Autodefentsa Sareak. Kontratu barik, ERTE egoeran edo osasuna babesteko neurri barik lanean daudenei lagundu gura diete, besteak beste
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!