Pirritx, Porrotx eta Marimotots pailazoek Durangoko kale eta auzoak zeharkatuko dituzte kamioi batean 'ezkutaturik'. Kalejiran doazela umeak alaitzeko mezuak botako dituzte eta bidelagun izango dituzte Karrika Antzerki Taldeko kideak ere. Udalak azaldu du kalejirak bi txanda izango dituela, Eguerdi partean, 12:00etatik 14:00etara izango da lehenengoa, eta 18:00etatik 20:00etara bigarrena.
Bestalde, egun osorako egitarau bat ere prestatu du udalak. Etxean gertatutako guztia sare sozialetan #HaurrenEgunaDurangon traolarekin etiketatzeko deia egin dute. komunikazioa@durango.eus-era helbidera ere bidali daitezke irudi eta bideoak.
UMEEN EGUNA (Egitaraua)
11:00etan: Zigor Iturrietarekin bazkaltzeko menua prestatu. Youtube/Durangoko Udala kanalean eta Udalaren sare sozialetan.
11:30ean Durango Irratian “Jan eta Kanta”, umeei zuzendutako saioa eskainiko da. Gero, 11:45ean(*), "Umeen ahotsa" izango da entzungai
12:00etan "Azalerako ipuinak" eskainiko ditu Saroa Bikandik. Saioan parte hartzeko mezu bat idatzi behar da biblioteka@durango.eus helbidera edo 626 73 41 67 WhatsApp zenbakira
12:00-14:00 Irrien lagunak, kalejira. Pirritx, Porrotx eta Marimototsen lehenengo kalejira Durangoko auzoetan
16:30ean Durango Irratian umeentzako musika saioa
17:00etan Umeentzako ipuin kontaketa “Durango Elkar Zainduz” sarearen eskutik. Miren Erdoiza arduratuko da ipuinak kontatzeaz. Youtube/Durangon Elkar Zainduz kanalean jarraitu ahalko da saioa.
17:30ean Umeentzat Zumba Saioa Durango Kirolak-en Youtube Kanalean
18:00-20:00 Irrien lagunak, kalejira. Pirritx, Porrotx eta Marimototsen bigarren kalejira Durangoko auzoetan
(*) Umeen audioak durangoirratia@durango.eus helbidera bidali beharko dira. Gaiak: Nola sentitzen zara? Zer botatzen duzu faltan?