[INFORMAZIO PRAKTIKOA] Konfinamenduak sortutako egoera emozionalei aurre egiteko adinekoentzako gida

Ekaitz Herrera 2020ko api. 17a, 16:02
Deskargatu Info Ahotsak :

Traña-Matienako adinekoen egoitza (Abadiño)

Amankomunazgoak pertsona nagusiei laguntzeko gida bat sortu eta banatu du. Konfinamenduaren ondorioz sortzen edo areagotzen ari diren emozioei (urduritasuna, larritasuna, beldurra, etab.) aurre egiteko tresna da. Norberaren burua zaintzeko jarraibideak, errutinak eta konfinamenduan jarraitu beharreko aholkuak jasotzen dira.

1. Ezarri errutina bat: (Hartu kontuan norberaren zaintza, etxeko garbitasuna, aisialdia orduak...)

  • Hartu kontuan zure zaintza, etxeko garbitasuna eta aisialdi orduak. Ez aldatu gehiegi zure ordutegiak. Jantzi ohi duzun bezala
  • Mantendu ohiko garbitasun ohiturak: dutxatu edo garbitu egunero.
  • Egin ariketa fisikoa egunero. Ezarri ordutegi finko bat, errespetatu eta mantendu egunean

2. Zaindu loa: (Oheratu eta altxatu zaitez ordu berdinean, ez aldatu zure erloju biologikoa)

  • Pijama jantzi, hortzak garbitu, izarak zabaldu...
  • Hurrengo eguneko gauza garrantzitsuak idatzi, gauean zehar bueltaka ez izateko.
  • Esne edo zuku basoa prestatu,
  • Luzaketa ariketak egin, musika-melodia lasaia entzun (beti berdina), erlaxazio bat egin
  • Beharrezkoa ez bada, ez egin siestarik

3. Osasun prebentzioa: (Benetan beharrezkoa bada bakarrik irten)

  • Eskuak xaboiarekin maiztasunez eta ondo garbitu .
  • Eztula edo doministua egiteko, estali ahoa ukolondoarekin edo erabili zapi bat (erabili eta botatzekoa).
  • Irten behar baduzu, mantendu metro eta erdiko tartea pertsonekin; maskara badaukazu, erabili.
  • Garbitu sarriago eskuekin kontaktuan dauden gainazalak (lixibarekin: koilarakada bat litro bat ureko)
  • Gogoratu boluntarioen sarea martxan dagoela zuri laguntza emateko.

4. Informazioa eta komunikabideak: (Eskuragarri dagoen informazio-bolumena izugarria da, nahasia izan daiteke eta gure oreka kaltetu dezake)

  • Hautatu informazio iturriak: Erakunde ofizialen webguneak: Eusko Jaurlaritza, Osakidetza, Osasun Ministerioa, Munduko Osasunerako Erakundea…)
  • Bestelako erakunde ofizialak: udalak, foru aldundiak,
  • Nazioarte mailan: HON kalitate sigiludun webguneak (Munduko Osasunerako Erakundearen bermedunak).
  • Informazioa neurriz jaso: kontsultatu informazioa egunean behin edo birritan gehienez.
  • Ez zabaldu albiste faltsuak eta gezurrak
  • Eman egoeraren berri zure senideei. Senideak ez larritzeko, egokitu hizkuntza eta dosifikatu informazioa.

5. Internet: Teknologia berriei esker konektatuta eta komunitatearen egon gaitezke)

  • Erabili eskura dauden sareak hainbat motatako harremanak mantentzeko (bilerak, solasaldiak...) : Skype, Zoom, WhatsApp…
  • Aprobetxatu sareak eskaintzen dituen doako aisialdi proposamenak: bisita birtualak museoetan, zuzeneko kontzertuak, liburutegiak, aldizkariak...:
    https://viajes.nationalgeographic.com.es/lifestyle/mejores-museos-visita-virtual_13248/3
  • Irakurgaiak aurkitu ditzakezu e-liburutegian (liburutegiko txartela eta pasahitz bat behar dira, norbere herriko liburutegiak emango du): http://www.eliburutegia.euskadi.eus/
  • Gonbidatu zure familia ere harreman eta ekimen horietan parte-hartzera, elkarrekin gozatzeko.
  • Teknologiak lagundu egingo badigu ere, beharrezkoa da noizean behin atseden hartzea eta beste mota bateko jarduerak egitea.
  • GOGORATU: Ez egon besteek egingo dutenaren zain, DEITU TELEFONOZ ZURE INGURUKOEI

6. Indartu emozio positiboak: egin ariketa fisikoa egunero.

  • Aukeratu gehien gustatzen zaizun jarduera: yoga, luzaketak, etxean zehar oinez ibiltzea, ariketa taula, dantzak..
  • Hartu kontutan zure familiak gustuko duen ariketa fisikoa denok batera aritzeko.
  • Pasa denbora jarduera atseginetan: Irakurri, telesail edo pelikulak ikusi, jolastu, eskulanak egin, familiarekin egon, balkoira irten eta auzokoekin hitz egin... eta behar bezain beste atseden hartu.
  • Kontatu zure ingurukoei nola sentitzen zaren

7. Erraztu elkarbizitza

  • Pertsonok bakarrik egoteko uneak behar ditugu. Hartu neurria egoerei. Etxean hainbeste egun egoteak emozioak areagotu ditzake; horregatik garrantzitsua da egoera bakoitzari dagokiona baino garrantzi gehiago ez ematea.
  • Erabili komunikazio egokia, hizkera positiboa, laudorioak... horrek beti lagunduko du.
  • Tentsioak eta haserreak gutxitzeko moduak aurkitzea inoiz baino garrantzitsuagoa da orain.
  • Haserretuta edo nekatuta zaudenean, ahal izanez gero, joan zaitez beste gela batera eta egon zaitez bertan behar duzun beste denbora. Ezin bada argi utzi lasaitasun tarte bat behar duzula.
  • Saia zaitez zeuretzako uneak hartzen egunean zehar, minutu batzuk badira ere erabili umorea beti

 

Gizartea
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!