Behargintzaren eraikina aldi baterako aterpetxe bilakatu du Amankomunazgoak. Alerta egoerak iraun bitartean etxerik ez dutenentzako gunea atondu du. Etxebakoek oinarrizko elikadura eta higiene-beharrak asetu ditzaten. Gurutze Gorriagaz koordinatu da Amankomunazgoa eta beharrezko langileak kontratatuko ditu egokitutako gune horretan laguntza eta segurtasuna emateko.
Bestalde, Errota ostatua aterpetxean ere zerbitzuak indartuko ditu (Ibaizabal ikastolaren ondoko aterpetxean). Orain arte, erabiltzaileak hiru egunez egon zitezkeen gehienez bertan, baina epe muga hori etetea erabaki du Amankomunazgoak alerta egoerak iraun bitartean.