Zornotzan, M8 Plataformak egitarau zabala antolatu du asteburuari begira. Azaldu dutenez, aurten "beste herrialde batzuetatik Zornotzara etorri diren emakumeen errealitateak ezagutu eta ikusarazi" gura dituzte. Ildo horretatik, emakume horiei ahotsa emango diete domekan, 11:30ean, Zelaieta parkeko karpan antolatuko duten kafe-tertulian. Ondoren, bazkaritara batuko dira.
Herri askotan manifestazioak antolatu dituzte emakumeen kontrako diskriminazio ugariak salatzeko: Durangon, Elorrion, Zornotzan eta Berrizen, hain zuzen. Abadiñon, besteak beste, hilabete osoa iraungo duen Gerorako oroitzapenak, ahalduntzeko praktika artistikoak erakusketa ikusgai dago Errota kultur etxean.