Asteburuan Sorian jokatutako Espainiako taldekako kros txapelketan dominak lortu dituzte eskualdeko hainbat korrikalarik. Irene Loizateren taldeak, Bilbao Atletismo taldeak, urrezko domina lortu du maila absolutuan eta June Arbeok Alcampo Scorpio 71 taldeagaz 23 urtez azpikoan. 20 urtez azpiko txapelketan, berriz, Durangoko Bidezabal taldeko korrikalariek, Jone Fuentek, Garazi Zuazuak, Oihane Irustak, Irene Costak eta Naroa Bahabonek brontzezko domina eskuratu dute.
