Toki gutxi batzuk gelditzen dira Berton Bertokoak hasiko dituen elikadura saioetarako

Berton Bertokoa dinamikak elikaduraren inguruko kezkak eta erronkak lantzeko jardunaldi sorta hasiko du astelehenean. Durangoko Zabalarra eskolan egingo dute lehenengo saioa, "Nork erabakitzen du jaten duguna?" galdera abiapuntu modura hartuta. Oraindik toki gutxi batzuk gelditzen dira bai Zabalarrako jardunaldirako eta baita etorriko diren beste herrietako  (Zornotza, Zaldibar, Atxondo) jardunaldietarako. Bihar, otsailaren 7an, amaituko da inskripzio-epea.

Saio bakoitzean 45 pertsonak hartu ahalko dute parte. Atxondon egitekoa den show cooking saioan, baina, 35 lagunetara murriztuko da tokia. Izena-emateko bertonbertokoa@gmail.com helbidera idatzi edo inprimaki hau behar da.

Durangoko zabalarran egingo dute lehen saioa, astelehenean, hilak 10, 17:30etatik hasita.

Berton Bertokoak azaldu duenez, umeentzako txikigune zerbitzua ere egongo da jardunaldietan.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.