Zornotzan 18:00 abiatuko dira maiestateen hiru karrozak, Biarritz poligonotik, Disneyren laugarren karroza baten laguntzarekin; herriko plazan amaituko da desfilea. Zubiaur musika eskolako Triki Piu bandako trikitilariek eta hip-hop ikasleek girotuko dute.
Zaldibarren, ostera, 18:30ean hasiko da desfilea, Euskal Herria etorbidetik. Bidean, ospitale psikiatrikoa ere bisitatuko dute. Olazar pilotalekuan egingo da amaiera ekitaldia, txokolatearekin. Azukrerik gabeko 80 kilo gozoki banatuko dituzte.