Eneko Lambea Zaldibarren
Olazarmendi klubak antolatzen duen Zaldibarko erakustaldia domekan izango da, 11:30ean, Olazar pilotalekuan. Zaldibarko eta Santurtziko klubetako 40 bat gimnastak parte hartuko dute. Eneko Lambea goi mailako gimnasta leioarra ere Zaldibarren izango da. Junior mailan Espainiako txapeldun geratu da aurten, eta gizonen Lehen Mailan dabilen euskaldun bakarra ere bada.
Gabonetako gimnastika erritmikoko erakustaldiek aurten ere ez dute hutsik egingo Durangon eta Zaldibarren. Durangokoa, Uztai taldeak antolatuta, zapatu honetan izango da, 11:00etan, Landako kiroldegian, eta 2011tik 2014ra arte jaiotako 250 bat gaztetxok parte hartuko dute. Ekimena elkartasunagaz lotuz, postu batean Cafés Baquek emandako kafea eta Uztai taldekoek egindako bizkotxoak salduko dituzte. Batutako dirua La Cuadri del Hospi elkarteari emango diote.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!