Aranda de Dueroko asanblada feminista "talde txikia" dela ikusita, eta feminismoari “laguntza fisikoa eta emozionala” eskatu dizkiola ikusita, Andereak elkarteak bat egin du haiekin: "bat egiten dugu haiekin, eta, jakina, sexu-erasoa jasan duen neskatoarekin; esan nahi diegu ez daudela bakarrik, eta besarkada bero bat bidali nahi diegu”.
Elkarteak "gogor" arbuiatu du "bortxaketaren kultura", emakumeak "gauza" bihurtzen
eta gutxiesten baititu. "Gizonen nahiak asetzeko gorputz izatera mugatzen gaitu", diote. Era
berean, hedabideen etika falta eta arduragabekeria kritikatu dituzte.
Durangaldeko herritar guztiei dei egin die elkarretaratzean parte hartzera.