Eusko Jaurlaritzak udan sartu zuen indarrean ratioak eguneratzeko dekretua. Erabaki hark adinduen egoitzetako langileen ratioak kaltetzen dituela azaldu du Zelaiak. Kanpaina bat hasi dute egoitzetako langileek, Zaindu nazazu (gutxienez) bi orduz izenburupean. Bizkaian ratioak bikoiztu daitezen eskatu dute langileek eta ELA sindikatuak.
ELA sindikatuaren ordezkariaren esanetan, egoera "gogorra" jasaten duten 300dik gora langile daude Durangaldeko adinduen egoitzetan: Astarloa, Joxe Migel Barandiaran eta Tabira egoitzetan (Durango), Orue eta Azkuna egoitzetan (Zornotza) eta Auzo Lagun egoitzan (Mertzedarien komentua, Berriz) besteak beste.